ᐊᒃᑐᐃᓂᐅᔪᑦ ᒪᒃᑯᒃᑐᓄᑦ
ᐃᓚᒌᖑᔪᑦ ᐃᒥᐊᓗᖃᑦᑕᕈᑎᒃ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ ᐱᓕᕆᓂᐅᔪᓂᑦ, ᐱᐅᙱᑦᑐᒥᒃ ᐊᒃᑐᐃᓂᖃᕈᓐᓇᖅᐳᖅ ᐋᓐᓂᐊᖃᕐᓇᕐᓂᖓᓂ, ᖃᓄᐃᙱᑦᑎᐊᕐᓂᖓᓂ ᐊᒻᒪᓗ ᐊᑦᑕᓇᕐᓂᖓᓂ ᓱᕈᓯᕐᓄᑦ ᐃᒡᓗᖃᖃᑕᐅᔪᓄᑦ ᐊᖏᕐᕋᒥ. ᐃᒥᐊᓗᕐᔪᐊᖃᑦᑕᖅᖢᓂ ᑲᑎᙵᓂᖃᖅᐳᖅ ᐊᖏᒡᓕᒋᐊᖅᑐᒥ ᐅᖃᐅᓯᒃᑯᑦ ᐊᒻᒪ/ᐅᕝᕙᓘᓐᓃᑦ ᑎᒥᒃᑯᑦ ᐋᓐᓂᖅᓯᕆᓂᕐᒥ ᐊᖏᕐᕋᒥ, ᐱᑎᑦᑎᔪᓐᓇᖅᑐᒥ ᓱᕈᓯᓂᒃ ᐲᖅᑕᐅᓂᖏᓐᓂ ᐊᖏᕐᕋᒥ ᐊᒻᒪᓗ ᐃᓕᔭᐅᓗᑎᒃ ᐸᖅᑭᔭᐅᕕᓂᒃ ᐊᖏᕐᕋᓂᑦ.
ᓱᕈᓯᓄᑦ ᐃᓄᓕᕆᔩᑦ ᓄᓇᕗᒻᒥ ᐅᓂᒃᑳᕆᓯᒪᕗᑦ ᑕᒪᕐᒥᒐᓚᐃᑦ ᓱᕈᓯᑦ ᐸᖅᑭᔭᐅᕕᓃᑦᑐᓂᑦ ᐊᑕᐅᓯᕐᒥ ᐊᖓᔪᖅᑳᒥ ᐸᖅᑭᔨᒥᓪᓘᓐᓃᑦ ᐋᖓᔮᕐᓇᖅᑐᒥ ᐊᑲᐅᙱᓕᐅᕈᑎᖃᖅᐳᑦ, ᐃᓚᖃᒐᔪᒃᑐᒥ ᐃᒥᐊᓗᖕᒥᑦ. ᐃᒻᒪᖄ, ᐅᓂᒃᑲᐅᓯᐅᓯᒪᕗᖅ ᑎᑭᐅᒪᔪᓄᑦ 90%−ᒥ ᓱᕈᓯᕐᓄᑦ ᓴᐳᔾᔭᐅᓯᒪᓂᐅᔪᓄᑦ ᐱᓕᕆᐊᖑᔪᓂ ᐃᒥᐊᓗᖕᒧᑦ−ᐱᑎᑕᐅᓂᐅᕗᑦ.
ᓱᕈᓰᑦ ᐱᕈᖅᓴᖅᑐᑦ ᐃᒥᓗᐊᖃᑦᑕᕐᔪᐊᖅᑐᓂᑦ ᐊᖏᕐᕋᒥᓂᑦ ᐃᖕᒥᓂᒃ ᐊᑐᓕᓲᖑᒋᕗᑦ ᐊᑲᐅᙱᓕᐅᕈᑕᐅᔪᓂ ᐅᑯᓇᓂ:
- ᐊᑦᑎᒃᑐᒥ ᐃᒻᒥᓂᒃ−ᐃᓱᒪᒋᓂᕐᒥᑦ
- ᑭᐱᙳᓂᕐᒥᑦ
- ᐅᒡᒍᐊᕐᓂᕐᒥᑦ
- ᐃᒃᐱᒍᓱᖕᓂᖅ ᓴᐱᕐᓂᕐᒥᑦ
- ᑲᑉᐱᐊᓱᖕᓂᕐᓂ ᐃᒃᓯᖕᓇᖅᑕᐅᓂᐊᕐᓂᕐᒥᑦ
- ᐊᑯᓂᐅᔪᒥ ᓂᑲᓪᓗᖓᓂᕐᒥᑦ
ᓇᔪᖃᑎᖃᖅᖢᓂ ᐃᓚᒋᔭᒥᑦ ᐃᒥᐊᓗᖕᒧᑦ ᐊᑲᐅᙱᓕᐅᕈᑎᖃᖅᑐᒥ ᐊᔪᕐᓇᖅᐳᖅ ᓱᕈᓯᓄᑦ ᐊᒻᒪᓗ ᑭᒃᑯᓕᒫᓄᑦ ᐃᓚᒌᖑᔪᓄᑦ. ᐃᓄᒃ ᐃᒦᓐᓇᖃᑦᑕᐃᓐᓇᕐᔪᐊᕈᓂ, ᓵᙵᑎᓪᓗᒋᑦ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ ᐃᒻᒥᖕᓄᑦ ᐊᓯᖏᓐᓄᓪᓗ ᖃᓄᐃᓐᓂᐊᕐᓂᐅᔪᒥᑦ, ᓇᓗᓇᐃᒃᑯᑕᐅᑐᐃᓐᓇᕆᐊᖃᖅᐳᖅ ᐃᒥᐊᓗᖕᒥ ᐊᑐᓕᒪᓂᕐᒧᑦ ᐅᕝᕙᓘᓐᓃᑦ ᐅᐃᕆᓯᒪᓂᕐᒧᑦ.
ᑭᓇᑐᐃᓐᓇᖅ ᐃᓚᒌᖑᔪᓂᑦ ᐊᒃᓱᕈᕈᑎᖃᕈᓂ ᐃᒥᐊᓗᖕᒥ, ᓇᓂᓯᓂᖅ ᓯᓚᑖᓂ ᐃᑲᔪᖅᓯᖅᑕᐅᓂᐅᔪᒥ ᐃᑲᔪᕈᓐᓇᖅᐳᖅ ᐃᓚᒌᖑᔪᓂᑦ ᐱᓕᕆᔪᓐᓇᑦᑎᐊᕐᓂᕐᒧᑦ. ᓇᕿᓪᓗᒍ ᐅᕘᓇ ᓇᓂᓯᓂᕐᒧᑦ ᐃᑲᔪᖅᓯᕐᓂᐅᔪᓂ ᓄᓇᓕᖕᓂᑦ.