ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ ᐃᓚᒌᓄᑦ
ᐃᓄᑐᐃᓐᓇᐃᑦ ᐃᒥᕐᔪᐊᓲᓂᑦ ᐅᕝᕙᓘᓐᓃᑦ ᓱᒃᑲᓗᐊᖅᑐᒥᒃ ᐃᒥᓲᓂᒃ ᐃᒥᒐᔪᒃᖢᑎᒃ, ᑐᕌᖅᑎᑦᑎᔪᓐᓇᖅᐳᖅ ᐱᒻᒪᕆᐅᔪᒥ ᐃᒥᐊᓗᖕᒧᑦ−ᐱᑎᑕᐅᔪᓄᑦ ᐊᒃᑐᕐᓂᕐᓗᒃᑎᑦᑎᓂᐅᔪᓂᑦ ᐃᓄᖕᒧᑦ, ᐊᒻᒪᓗ ᐊᖏᔪᓂᑦ ᐊᒃᑐᐃᓂᖃᕈᓐᓇᖅᐳᑦ ᐃᓚᒌᓕᒫᓄᑦ.
ᐃᒥᐊᓗᖕᒥ ᐊᑐᕐᓂᕐᒥ ᐃᓱᒪᒋᔭᐅᕗᖅ ᐊᒃᑐᕐᓂᕐᓗᒃᑎᑦᑎᓂᐅᔪᒥᑦ ᐱᐅᙱᑦᑐᒥ ᐊᒃᑐᐃᓂᖃᕈᓂ ᐊᖏᔫᑕᐅᓂᐅᔪᓂᑦ ᐃᓅᑉ ᐃᓅᓯᖓᓐᓂ, ᐃᓚᖃᕐᓗᓂ:
- ᑎᒥᒥᑎᒍᑦ ᐊᒻᒪ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᖅ
- ᐊᐃᑉᐸᕇᖕᓂᑦ
- ᐃᖅᑲᓇᐃᔮᖅ
- ᑮᓇᐅᔭᓕᕆᓂᖅ
ᐊᖓᔪᖅᑳᑦ, ᐸᖅᑭᔨᐅᔪᑦ ᐊᓯᖏᓪᓗ ᐃᓚᒋᔭᐅᔪᑦ ᐃᒥᐊᓗᖃᑦᑕᕐᑎᓪᓗᒋᑦ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ ᐱᓕᕆᓂᐅᔪᓂᑦ, ᐅᓗᕆᐊᓇᖅᐳᖅ ᐃᓄᖕᒧᑦ ᐊᒻᒪᓗ ᐊᒃᑐᐃᔪᓐᓇᖅᐳᖅ ᐋᓐᓂᐊᖃᕐᓇᙱᓐᓂᖓᓂ ᐊᒻᒪ ᖃᓄᐃᙱᑦᑎᐊᕐᓂᖓᓂ ᑭᒃᑯᓕᒫᓂᑦ ᐊᖏᕐᕋᕆᔭᐅᔪᒧᑦ.
ᐊᒃᑐᐃᓂᐅᔪᑦ ᐃᓄᖕᒧᑦ ᐊᒻᒪᓗ ᐃᓚᒌᓄᑦ ᐃᓚᖃᖅᐳᑦ:
- ᐊᖏᒡᓕᒋᐊᕐᓂᐅᔪᓂ ᐃᓚᒌᓄᑦ ᑭᐅᓘᑎᓂᐅᔪᓂᑦ ᐊᒻᒪ ᐋᓐᓂᖅᓯᕆᓂᕐᓂ ᐊᖏᕐᕋᒥᑦ.
- ᐊᖏᒡᓕᒋᐊᕐᓂᐅᔪᓂ ᐃᓚᒌᓄᑦ ᐊᕕᑦᑎᓂᖏᓐᓂ.
- ᐱᐅᙱᑦᑐᒥ ᐊᒃᑐᐃᓂᐅᔪᑦ ᓱᕈᓯᕐᓄᑦ.
- ᑮᓇᐅᔭᓄᑦ ᐊᑲᐅᙱᓕᐅᕈᑕᐅᔪᓂ ᑮᓇᐅᔭᑦ ᐊᑐᖅᑕᐅᑎᓪᓗᒋᑦ ᐃᒥᐊᓗᖕᒧᖔᖅ ᐱᖏᓪᓗᓂ ᐊᓯᖏᓐᓂ ᐱᔭᕆᐊᓕᖏᓐᓂᑦ.
- ᐊᖏᒡᓕᒋᐊᖅᑐᒥ ᐱᕋᔭᖕᓂᕐᓄᑦ ᐊᒻᒪ ᐅᓗᕆᐊᓇᕐᓂᖓᓂ ᐊᓄᓪᓕᒃᓰᕕᖕᒧᐊᖅᑕᐅᓂᖓᓄᑦ.
- ᐃᖅᑲᓇᐃᔮᒥᒃ ᐊᓯᐅᔨᓂᕐᒧᑦ ᐊᒻᒪᓗ ᐊᖏᒡᓕᒋᐊᖅᑐᒥ ᐅᓗᕆᐊᓇᕐᓂᖓᓂ ᐊᔪᖅᓴᕐᓂᕐᒧᑦ ᐊᒻᒪ ᐊᖏᕐᕋᖃᕈᓐᓃᕐᓂᕐᒧᑦ.
- ᐃᒥᐊᓗᖕᒧᑦ−ᐱᑎᑕᐅᔪᒧᑦ ᐱᕐᕈᓗᐊᕿᓂᐅᔪᓂᑦ, ᐋᓐᓂᕐᓂᕐᓂ ᐊᒻᒪᓗ ᑐᖁᓂᕐᓂ.
ᑕᒪᓐᓇ ᐃᓚᖓ ᑐᓂᓯᕗᖅ ᐅᖃᐅᓯᒃᓴᓂ ᖃᓄᖅ ᐃᒥᐊᓗᒃ ᐊᒃᑐᐃᔪᓐᓇᕐᓂᖓᓂ ᐃᓚᒌᓄᑦ ᐊᒻᒪᓗ ᐱᓕᕆᓂᐅᔪᑦ ᐃᓚᒌᑦ ᐊᑐᕈᓐᓇᕐᓂᖏᓐᓂ ᒥᒃᖠᒋᐊᖅᑎᑦᑎᓂᕐᒧᑦ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ.