Uqautini uqaqatigininut inulgammiit

Atuqpiartuq uqautini nutaqat tapkuninga imirlukmik ukiukititlugit. Uqautini nutaqatit imirlukmik ikayuqniaqtai tuhaumayumik hivuganaitqiyamiklu niguaqnit tapkuninga imirluk atuqnit hivunikhami. Huli una piaq ilaani ayurnaqluni, itqaumalutit tamna atuinaqtukhaq uqauhiginia aglivaliatitlugit atuqpaliqninutlu ayurnaqtunik apquhaqhivakni inuuhiqmi.

Hamma ilai uqautiyutit uqaqatigininut inulgammiit imirlukmun:

Niguaqhilutit hulihuiqat uqautiyanga, ningumahuiguvin mamiahuguiguvitluniit hunamik piyanga. Imiqhimakpat, utaqilugu uqautiyanga ikpigihuiqagit tapkuat aktuanit imirlukmin.
Ilitlugit qanuqtut imirluk aktuayangi nutaqat inulgammiitlu. Piplugit timingi ihumailu huli pivaliatitmata, qanugililaqniqhaukmata inirniunganit. Ilitpaligit hamangat.
Takupkaqlugu Inuuqatigiitsiarniq – apkuat Inuit inuuhinut pinnagiyat upiguhukniq ahiinik, piqatigiknit nagliginilu inuit – tuhaumapkaqlugit tapkuat ikpigiyai upigiyauniat.
Naalaklugu pinahuaqulugitlu uqagiangi iquhimaittumik hunanik atugiakhai inuuhiqmingni, hunatlu atuqhimayai tapkuninga imirlukmik. Nanminiq unipkaqhalgit tuhaqtauyaliknik.
Iqhitagahuaqtailugit akhuva;laq unipkanik tapkuninga hivuganaqninik imirluk. Piqaqtitlugit tapkuat piqpiat tukiliuqlugit ayuqnaitumik, ilautitlugit pityuhit mikhigiaqni tapkuat tatyaq hivituyumutlu huguilat.
Pipkaqtitainahuaqtailutin. Inuuhuktutitit imiqhimakpata, nakuungitnigangitlugit kanguhangitlugitlu. Tuhaumapkaqlugit nagligiyatit qanugitkaluaqat, kihimik tukihiyumayatit hungmat imigiangat ikayuqlugitlu hivuganailgumipkaqni pikpata.

Itqaumalutit NAAMAKTUQ kinutyutaitpat tamaitnik. Ilihimangitkuvit hunamik, tuhaqhitlugit tuhagahuarniaqtutit uqautilugitlu. Aturniqhaq uqaqatigikaphukhugit.