Ihuinaqnit ningaqnitlu
Piqartuq akhut naunaipkutanik tamna akhut imirluk atuqtaunia Nunavutmi atatyutilik ilagiaqnianut ihuinarniq ningarniqlu pitquhit. Akhut imirniq pipkaqmiyaittauq inuit angitqiyamik hivuganaqnit ihuinaqtauniqmun ningaqtauniqmik ihuinarniq.
Paliihimat uqaqtut 90mit 95 pusantmut hivayaqtautingit pipkaidjutivaktut imiqmit. Unalu, itqurnarutauyuq 90mit 95 pusantmut inuit itiqtauhimayut Qikiqtaaluk Itiqtauvingani imingayut paliihiqikmata, unalu nuliangnikkut aadlalu ningaqtuq ningangittumiklu ihuinaarutingit. Mamianaugaluaq, inuulrammiit apirhuivikmi havaktut uqaqtut tamaitavyat inuulrammiit tiguyauyut inuulrammiit apirhuivikmit Nunavunmi imiqtut aangayaarnaqtuniklu atuqtut.
Qanuriliurutingit imiinnaqpiaqtut nunallaani ilaliutiyut hapkuninnga:
- Ningaqtut, nuliaqtuq, inukmik uhiqtiqtuq
- Aippaminut pimmarluktittuq
- Nutaraminik pimmarluktittuq hugihuiqhugulu
- Inirninik pimmarluktittuq
- Imingayumik akhaluutituqtuq
Aqnat piluaqtumik hivuganaqni atuqninut ningaqtauniq angiqhimaittumiklu ivaniq. Akhut imirniq tamatkikni angutit aqnatlu aktuayai tapkuat pilaqnit nakuuyumik ihumaliurnit pilaqnilu nakuamun puqtuni hivuganarniq piplugu qanugitniuyuq. Una ilagiagutaulaq aqnaup qanugiliyaulaqnianut akhuqviunia, ningaqtaunia ivaniqmutlu pittiangitaunia.
Inuaqtut tuquyullu
Imiinaqniqlu tuqutauttaaqtuq inuk imiqtuq, kihimi aadlat inut inuuhingit qayangnautipkaittaaqtaillu. Naunaitkutat Nunavunmi naunaiqtaa:
- 23 pusantnguyuq tamaita tuqudjutit pipkaivaktut imiqmit
- Thirty pusantnguyuq tamaita inuaqtut imingayut atuqtulluuniit aangayaarnaqtunik
- Imiq hivulliqpaarutauyuq qayaqtuqtunut aaniqtauyut imaaqtulluuniit
Tuqudjutauyut hivulliqpaarutauyuq tuqutiniq Nunavunmiunut ukiulgit ataani 25, amigaittuq nampangat Nunavuutim amihuuninngit ittut uumani ukiunganik. Mamianaugaluaq, amigaittut hapkuat tuqudjutingit pittailittaaqtuugaluat.