Aukni imiqmik qanuraaluutigiyaa
Aukni imiqmik qanuraaluutigiyaa qanuraaluk imiqtutit aukni imiliraangavit. Imiq hiamitiqtuq timikni tinguknit, kihimi tingutit hiamitiqtaaqtuq qanuraaluk imiqmik. Amihumik imiraangavit tingutiknit anipkaiyaa qilaminnuaq, ilanga imiq angikliyuumiutivaktuq auktit aulayunnautinganut.
Paliihimat atuqpaktut anirhaarutauyuq naunaiyariamikni qanuraaluk imiqtat anirhaagaangamik taimaa kinaliqaak uuktuutigiyauyuq ukununnga Imirumi akhaluutituruvillu sikiituukuurutiguvillu. Tamna anirhaarutauyuq naunaiyariami qanuraaluk imingayuq naunaiqtaaqtaa hunaukmat aukni imiqmik qanuraaluutigiyaa ittuq.
Huna pipkaidjutivaga aukni imiqmik qanuraaluutigiyaa?
Inuup aukni imiqmik qanuraaluutigiyaa pipkaidjutiyauyuq qaffiuyunit hunavaluknik, ukunanitlu:
- Qaffinik imiqtuq inuk ukunanik – imiryuaruvit angitqiamik aukni imiqmik qanuraaluutigiyaa.
- Qanuraaluk imiruvit – qilamiuqtumik imiruvit, angiyumik piniaqtat aukni imiqmik qanuraaluutigiyaa talvannga akuniraalukmik imiruvit.
- Humaangittuq angutauguvit arnauguvilluuniit – arnat timimikni urhuqaryuarmata mikiumiktauq imaqmik angutinit talvuuna imiq aukmi inginnaqtut arnanit akuniraalukmik.
- Uqumailitaanga – inuk uqumaitpat, amigainniaqtuq imanga timimikni. Imaq avuvaktuq imiqmut mikhilaaqhugu aukni imiqmik qanuraaluutigiyaa. Uqumaingitkuvit qanuriliurutauyuq imrup.
- Niqi aqiarukni – imiq ilaliutivaktuq kayumiittunnuamik niriguvit imiqtinnatit imiqtillutillu.
Ilihimavit angutaukpat arnaukpalluuniit humaangittuq?
Arnat mihigivagait imiq qilamitqiamik angutimit, humaangittuq aadjikutarigumiuk uqumailitaanga aktikkulaagalu. Taimaittuq arnaup timinga piqalluanginmat imaqmik avugiami imiq, arnamut qilaminnuaq imingaktitaa angutimit.